Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
07.07.2021, 13:41

10 июль көнне этләрне бушлай вакцинацияләү һәм стерильләштерү мобиль пункты Отар бистәсенә барачак

Ай дәвамында белгечләр шулай ук Авиатөзелеш, Идел буе һәм Совет районнары бистәләрендә эшләячәк.

Фото: Денис Гордийко

(Казан шәһәре KZN.RU, 7-нче июль). Казанда йорт хайваннарын бушлай вакцинацияләү һәм стерильләштерү мобиль пункты эшләвен дәвам итә. 10-нчы июль көнне белгечләр Идел буе районының Отар бистәсенә киләчәк, анда хуҗалар теләге буенча йорт хайваннары өчен ветеринария хезмәтләренең тулы комплексы үткәреләчәк – этләрне һәм мәчеләрне караячаклар, хайваннарны стерильләштерә һәм вакцинациялиячәкләр.

17-нче июльдә мобиль пункт Идел буе районының Салмачы бистәсенә, 24-нче июльдә – Авиатөзелеш районының Северная бистәсенә, 31-нче июльдә – Авиатөзелеш районының Кадышево бистәсенә, 7-нче августта Совет районының Константиновка бистәсенә барачак. Мобиль пунктның эш вакыты – 10:00 сәгатьтән 14:00 сәгатькә кадәр.

Исегезгә төшерәбез, мобиль пункт Казан Мэры Илсур Метшин кушуы буенча шәһәр бистәләрендә бушлай эшли башлады. Белгечләрнең беренче чыгышы узган шимбәдә, 3-нче июль көнне, Совет районының Вознесение бистәсендә узды. Мобиль пункт эшләгән вакытта 15 эт һәм 4 мәчегә котыру авыруына каршы вакцина ясалган, 4 хайван стерильләштерелгән.

Шул ук вакытта «Зооцентр» приюты директоры Рөстәм Нуруллин, кирәк булганда, этләрне ветеринария шифаханәләренә чыгарырга әзер булулары турында сөйләде, анда да аларга кирәкле хезмәтләр күрсәтеләчәк һәм хуҗаларына кайтарылачак. Казанда яшәүчеләр үз этләрен стерильләштерүгә һәм вакцинацияләүгә яздыра ала. Шәхси гаризаны Торак-коммуналь хуҗалык комитетында +7(843)590-04-26 телефоны буенча калдырырга мөмкин.

Барлык яңалыклар