Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
04.12.2021, 13:04

Тәүлек эчендә Татарстанда COVID-19 белән авыруның 234 яңа очрагы теркәлгән

Авыручылар арасында 99 кеше Казанда яши.

Фото: Марат Мугинов

(Казан шәһәре KZN.RU, 4-нче декабрь). Татарстанда COVID-19 белән авыруның 234 яңа очрагы теркәлгән, шуларның берсе читтән кергән, калганнары элемтә аша. 69 кеше хастаханәгә салынган, 165 кеше өйдә дәвалана.

Авыручылар арасында – Казаннан 99 кеше, 18 кеше – Яр Чаллыдан, 13 кеше – Яшел Үзән районыннан, 8 кеше – Кама Тамагы районыннан, 7 кеше – Кайбыч районыннан, алтышар кеше – Чүпрәле, Түбән Кама районнарыннан, бишәр кеше – Апас, Арча, Биектау, Яңа Чишмә, Балык Бистәсе, Саба районнарыннан, дүртәр кеше – Актаныш, Зәй, Чистай районнарыннан, өчәр кеше – Азнакай, Кукмара, Норлат, Питрәч районнарыннан, икешәр кеше – Әлмәт, Бөгелмә, Буа, Алабуга, Менделеевск, Мөслим, Спас, Теләче районнарыннан, берәр кеше – Аксубай, Әтнә, Балтач, Югары Ослан, Тәтеш, Тукай районнарыннан.

4-нче декабрьгә Татарстанда 38 мең 994 СОVID-19 йоктыру очрагы теркәлгән. Пандемиянең бөтен чорында 32 мең 518 кеше сәламәтләнгән, шул исәптән 280 – узган тәүлектә. 2 млн 71 мең 724 ТР кешесе коронавирустан вакцинацияләнгән (тәүлек эчендә үсеш –13 мең 674 кеше), шуларның 1 млн 625 мең 874-е икенче прививка алган, дип хәбәр итә ТР Сәламәтлек саклау министрлыгының матбугат хезмәте.

Федераль оператив штаб мәгълүматы буенча, Россиядә тәүлеккә 32 мең 974 яңа авыру очрагы теркәлгән. Илдә 9 млн 769 мең 11 кеше авырган, 8 млн 471 мең 813 кеше сәламәтләнгән.

Исегезгә төшерәбез, коронавирустан прививканы поликлиникаларда гына түгел, ә вакцинациянең мобиль пунктларында да ясатырга мөмкин. Алар мәдәният учреждениеләрендә, сәүдә үзәкләрендә, кредит оешмаларында һәм башка урыннарда урнашкан. Адреслары һәм эш режимы KZN.RU порталында урнаштырылган
Барлык яңалыклар