Казанда беренче тапкыр Чир спорты буенча Идел буе федераль округ чемпионаты һәм беренчелеге узачак

(Казан шәһәре KZN.RU, 11 нче октябрь). 14-17 нче октябрьдә Казанда беренче тапкыр Чир спорты буенча Идел буе федераль округы чемпионаты һәм беренчелеге узачак. Моңа кадәр турнир традиция буенча Түбән Новгородта үтә иде.

Ярышларга меңнән артык спортчы киләчәк, алар дүрт яшь төркемендә медальләр өчен көрәшәчәк. Ярышлар кысаларында шулай ук яшь чирлидерлар өчен фестиваль дә узачак.

Чемпионат һәм беренчелек Бокс һәм өстәл теннисы үзәгендә оештырыла, дип хәбәр итә ТР Спорт министрлыгының матбугат хезмәте. Ярышлар ТР Хөкүмәте ярдәме белән оештырылды.

Чир спорты Татарстанда 2016 елдан бирле үсә. Республиканың Чир спорты һәм чирлидинг федерациясе президенты Резеда Фатыйхова әлеге спорт төренә карата кызыксыну артуын билгеләп үтә. Аның сүзләренә караганда, ел саен үзләрен чир спортында сынап карарга теләүче яшьләр саны арта бара. Татарстанның чир спорты буенча җыелма командасы бөтенроссия турнирларында даими катнаша, анда еш кына призлы урыннар яулый.