Лекцияләр, мастер-класслар һәм түбәдә йога: Б.Рәмиев исемендәге IT-парк туган көнен билгеләп үтәчәк

Фото: Денис Гордийко

(Казан шәһәре KZN.RU, 26 нчы август). Б.Рәмиев исемендәге IT-парк туган көнен «0001Фест» программасы белән билгеләп үтәчәк. 30 нчы августта бәйрәм кунакларын фотозоналар, лекцияләр, концерт, мастер-класслар, кинофильмнар күрсәтү һәм түбәдә йога көтә. Фестиваль мәйданчыклар бөтен IT-парк буйлап урнашачак. Бәйрәмнең хедлайнерлары булып танылган спикерлар торачак.

Чараның нәни кунаклары өчен балалар IT-паркыннан мастер-класслар оештырыла: квадрокоптерларда узышлар, печенье әзерләү, шопперларга рәсем ясау һәм һава еланнары җибәрү.

Өлкәннәр өчен «лимонад йогасы» һәм хангада уен әзерләгәннәр (үзең белән келәм алырга кирәк). Технопаркның конференц-залында кино фанатлары «Кире» фильмын һәм «айтишные» сериалларын карый алачак.

Фестиваль 14:00 сәгатьтә башлана. Керү ирекле, кайбер мәйданчыкларга теркәлергә кирәк. Оештыручылар тулы программаны һәм спикерларның исемнәрен соңрак ачачак, дип хәбәр итә IT-паркның матбугат хезмәте.