Россия көнендә казанлылар илнең бер шәһәренә сәфәр ота ала

(Казан шәһәре KZN.RU, 9-нчы июнь). Россия көнендә казанлылар «Россия җиңүләре» интеллектуаль онлайн-уенына кушылырга мөмкин. Төп приз - илебезнең бер шәһәренә бару булачак.

«Җиңү волонтерлары» оештырачак уенда катнашу өчен, волонтерыпобеды.рф сайтында теркәлергә һәм чарага язылырга кирәк. Ярышка 14 яшьтән өлкәнрәк кешеләр кушыла ала.

Онлайн-уен алдыннан һәр катнашучыга шәхси белдерү белән махсус трансляциягә күчү өчен сылтама киләчәк. Ул 30 минут дәвам итәчәк, алар дәвамында һәркемнең 3 блок буенча сорауларга җавап бирү мөмкинлеге булачак: Россиянең үткәне, киләчәге һәм бүгенгесе. Бер генә кагыйдә - моны тиз һәм төгәл эшләү.

Трансляция Мәскәү вакыты белән 12-нче июнь 12.00 сәгатькә планлаштырылган. Катнашучыларда алып баручы белән бергә туры эфирда топ уенчыларны күзәтеп бару мөмкинлеге булачак, дип хәбәр итә «Татмедиа» агентлыгы.